Bloga

10 posts

Eta goblinek hil zuten…

Bloga D&D5

Zer arrazoi dago bakarka aurreratu den pertsonaia bat azken hatsa emateraino ez labankadez zulatzeko? Galdera horrek zimiko egin dit arratsalde osoan zehar Phandelverreko pertsonaia karismatiko bat tenore horretan sartu denez geroz.

Hamaika mila aldiz jokatua eta gozatua D&D5-eko kanpainarik ezagunena izan daiteke. Lehenengo pertsonaiendako ezin errazago. Baina tira dena joan daiteke pikutara berandu gabe. Badakit zein den istorioa; badakit puntu narratibo garrantzitsuen mekanismoa, finean, badakit nola amaituko duen dena kaka zaharra. baina beti harritzen naiz je eta hori da partidak gidatzetik gehien ospatzen dudana. Alegia, pertsonaien bidaia haiekin bizitzea, haien ateraldiak txalotzea, haien buruhausteak. «Joe zergatik sartu behar zuen hor?», pentsatzen duzu ernegatuta. etaberehala konturatzen naiz slasher filma bat nerabe batek bizi duen bezala bizi dudala nik abentura maizter bezala. Edo erromatikoago jarrita Million dolar babyn Clean EastWood-ek bere pupiloa ring gainean borrokan dagoelarik entrenatzailearen mugimendu sinkronizatuak eta somatizatuak egiten dituela bere txikian harlauzatik mugitu gabe, bere ikasleari adimenez gidatu nahi izango balu bezala. Hala sentitzen naiz nik gidatzen ditudan jokalariekin. Kaka zaharra berriz, beti sartzen dizkiat disclaimerrak barra-barra. hau patologia bat izango da akaso?

Baina itzul gaitezen gaira. Gu gizakiok beti egiten ditugu hamaika itzuli eta bat gehiago gure burua zuritzeko. justifikatu behar dugu. eta punto. Orain ikusi irudia.

Goblinek Remko txiki-txiki utzi dute hilzorian.

Ba al da arrazoirik justifikatzeko pertsonaia hori sastakiez hezurretaraino ez josteko? Ba saiatu naiz benetan baina ama-maizter domina paparrean eramanagatik ere nekez lortzen dut irtenbide alai bat. Happy ending bat arraioa.

Post scriptum

Jarri beharko lukete ohar bat etsaien fitxan “Honek ez du utzi ezta kartilagoa hezurrari itsatsita” edo ordezko zerbait. Ez da bidezkoa maizterrari halako marroiak uztea.

Mesedez erantzuniuk baduzu ongi etorria izango da; jarri iruzkinetan. Gutxienik Zirku Erromatarrean bezala sentitu eta jarri erpurua gora edo behera pertsonaiaren etorkizunean parte hartzeko!

Azti Zoroaren ziega… edo bizi bizitza handia eta heriotza ere handia!

Bloga D&D5

Bost talento, ausardiaz eta arrotasunez sartu ziren Lurralde Ahaztuen ziegarik erraldoi bezain arriskutsuan. Bostek ordea heriotza aurkitu zuten nahi baino lehen.

Aharrausiaren taberna

Ez modu arranditsuz, alegia numerito egin egin gabe eta turutotsak eskatu gabe tabernariaren agurra eta bedeinkazioa jaso zute bidaia pagatu ondoren. Egia esan emakume batek ordaindu zuen, mezu bat bidaltzearen truk. Huskeria bat irabaziaren aldea noblearentzat. Egun harta erretiratu zen ohera imajinatuz bere anaiak jasotzen zuela ezkutalekuan informazioa eta irri sardonikoa egin zuen.

Sartzerakoan erne eta gogotsu zeuden konfiantzaz beterik; arduraz ematen zituzten urratsak pasabideetan barrena. Jainko zahar zizelkatuen hormetan pasabide ezkutua aurkitu ere. Sustu ederra hartu zuten lohi zikin horren txapapotearekin. Gaitzerdi! Ziegako bidelapur mafiosoak jakinaren gainean zeuden jakina. Etekin handia ateratzen baitiote Ziegaren sarrerari.

Tranpak jakinduria zorrotzez gainditu zituzten bai eta Ali Baba-ren lapurren biltokian erdi txantxa erdi «ez dkit nola surfeatzen ari naiz bortz metroko olatu hau baina tira guazen hodi azpitik iragaztera». taldeko Fanpiroak atalajei adarra jotzera iritsi zen. Airoso irten zen.

Eta hemen etenalditxoa egingo dut izan ere abilizeia handia erakusten ari ziren pertsonaiak. eta ez da gauza gutxi gero izan ere handi geratzen zitzaien auzo batean sartzen ari ziren. Baina aizu borondatean ez zen inolako pitzadurarik. Lockslyko Robin bezala menpean zituzten bi herritar salbatu zituzten eta guzti. Oooo zelako handitasuna neurrigabekoaren erakustaldia: psabidea libre izatea aski ez eta esklabu kotaduak liberatzen hasi. Berandu gabe damutuko zitzaien Alajainkoa.

Esklabu horiek azal-aldatzaile zikoitz eta zeken alaenak ziren. Libre aurkitu zuten hurrengo gelan hain benetako aurpegi errukigabeak eta haien hortz zorrotzezko aho handi eta nazkagarria erakutsi zizkieten abenturazaleei. Taldea banaturik… ezin plater atseginagoa. Ez zen geratu lepo ez izter haien azkazalek nahiz mingain moreek dastatu gabe.

Doppelganger

Balorazioa

Beti kontatzen da garaileen historia. Egundoko zailtasunak bizi izangatik azken unea gainditzen duten heroiak. Baina zer gertatzen da bidean geratzen diren horiekin? asko eta asko ez dira goi mailara iristen. Batzuek gailurrera iritsi ez eta buelta ematen dute azken saiakera egin baino lehen eta beste batzuek azala utzita erebanderatxoa iltzatzen dute gailurrean. Gehienak ordea gogoz saiatu bai baina erdian hil. Agina berauen helburua bizitzan huts egitea zen? da? Nork imajina lezake hurrengo bihurgunean aurkituko zutela heriotza? Nik ez…

kontura arazi zidaten arte 1. mailako abenturazaleak zirela 5 mailako ziega batean!!!

ERREPARTOA:

Beñat in Inana ile ilun eta kizkurreko paladina bezala.

Txabi in Fanpiro “bizigiro” bezala.

Izaro in druida atsegina bezala.

Damijn in Azti gaztea bezala.

Izaro in halflin bizia bezala

AZTI ZOROAREN ZIEGA (I)

Bloga D&D5

Aurki Rolarien Telegram taldea ZIegalaritza gupidagabea jokatuko dugu. Aspaldian nuenTelegram probatzeko gogoa idatzizko partidak jokatzeko. Eta Watxapak ez bezala baditu hainbat tresna (botak) baliagarri gerta daitezkeenak. Beti bezala gonbidapena luzatzen dizuet parte hartzeko.

Duela mila urte baino gehiago Halaster Kapabeltza urrutiko lurralde batetik bidaiatu zen Ursakonetako mendi magaletaraino, akaso halabeharrak agindutako eskutuko aginduak jarraituz. Batzuek diote ia ahaztutako Aintzindarien Lurrak deituriko inperiotik zetorrela. Antzina gizakia Faerun osoan barreiatu ziren gaur egun Lautada Purpurak direnetatik, jainkoen gatazkatik sorturiko barrutia. Beste batzuek Halasterri, jatorri ez hain urrunak egozten dizkiote; Netheril-go lehen aztien artean kokatuz; edo egiaztatuz hegoialdeko herrialde batetik zetorrela denborak eta basamortuak aspaldi hondar artean desagerrarazia. Edozein dela ere bere jatorria jakintsuek idatzita utzi dute zazpi ikasle ekarri zituela Ursakoneko mendietara.

Zazpiek babesturik, Halasterrek bere botere handia erabili zuen beste plano batzuetako izakiak erakartzeko, zientzuek beste guztiak garaituko zituen Azti dorre bat eraikitzen lagunduko baitzioten. Alabaina urtaroen iraganarekin zazpi ikasleek geroz eta gutxiago ikusi zuten beren maizua. Halasterrek jarraitu zuen piztia hilgarriak erakartzen eta dorrearen azpiko tunelak hedatzen eta bestelako eraikinak egiten. Eta aztiak zazpi ikasleakmantendu zituen bere hitzarmen ilunetatik at.

Azkenean Halasterrek Lurrazpiko Aretoekin egin zuen topo: nanoek egindako mithral meatze baten inguruan eraikitako tunel sistema konplexu bat. Areto Sakoneko arkitektuak, Melairkyn klaneko nanoak, hil eta sakabanatu zituzten aspaldi eta harrezkero drow eta duergar basatiek okupatu dituzte korridoreak eta gelak. Halasterrek gurutzada hasi zuen azken bi hauen kontra, ehiza ugari eginez pasabideetan barrena planoez gaindiko bere alieatuekin batera. Duergar menperaezinek ordea ia mithral guztia agortu arte zundatu zituzten paretak; gero Lurrazpiko pasabideak utzi zituzten drowak Halasterren eta bere kideen kontra borroka zitezen. Azti Zoroak elfo ilun asko inguratu zituen, eta haien arimetako asko harrapatu zituen magia beltzeko errituetan erabiltzeko; gainontzekoak mendean hartu eta fisikoki eta mentalki zigortu zituen. Behin drows guztiak txikitu zituenean, Kalaster Kapabeltzak tunelak zulatzen jarraitu zuen, beti hondoago eta sakonago, mendia arrazoigabe zulatzeko  grina ase nahirik.

Lurrazpiko barruti amaigabea kanpaleku bihurtuz, Halaster beste lurralde eta planoetara bidaiatu zen, Lurrazpiko egotzak izaki arriskutsu bezain arraroez betetzeko. Zerbitzari, esklabu nahiz atezain denak jarri zituen bere esaetara. Ziega betetzea eta kontrolatzearekin obsesionatu zen. Denborarekin  Lurrazpiko neurrigabeko ardura mugara eraman zuen eta misteriozko sorginkeria ilun batekin estali zuen.

Halasterren apopiloak joan-etorrian ziharduten. Batzuek alde egiten zuten ondoren itzultzeko, modu ulergaitzean Lurrazpiak erakarrita. Beste batzuk aztiaren alboan geratu ziren; norbere obsesioetan murgildu zenean ere ilunbeko zoramenak ere bere baitan hartu zituen.

Halaster urte asko kanpoan egon zen bitartean bere dorre itzela eta harresiak hondatu ziren. Denborarekin ere Ursakon bezala ezagutzen den hiria handitzen joan zen mendi magalean eta hedatuz joan zen itsasertzeraino, Kaiaraino alegia. Hiriak bere mugak handitu zituenean, azkenean Halasterren egoitzako hondarrak inguratu zituen.

Lehenengo biztanleek Lurrazpiko tunelen berri zuten eta horregatik maiz bidaltzen zituzten gaizkileak pasabide amaitezinetara. zigor moduan. Horrela izan zen urte askoan, Durnan abenturazale bat dorre azpiko labirintuan sartu eta irten zen arte aberastasun ugarirekin eta istorio ezin beldurgarriagorekin. Durnanek mozkina Dorrea eraisteko erabili zuen eta hondar gainean Ostatu bat eraiki zuen Lurrazpiko sarrera zen Putzuaren gainean. Atari aharrauslaria deitu zion. abenturazale zaharrak ostatua gobernatzen du gaur egun ere eta abenturazaleak zein ergelak zerbitzatzen ditu haien adorea Lurrazpiko tuneletan akuilatuz.

Itzultzailea: jonnylashop.

Alice galdu dugu

Bloga Indiak Rol jokoak

Alice Is Missing: An amazing game, played entirely via text message - Vox

Ordulari batek markatzen du atzera kontua eta hasten da jolasa. Txerrenek Dakota Travis pertsonaia gidatu du (institutuko animatzaile bat); Zuhaitzek Julia North (txelo-jolea); Pellok Charlie Barnes (eguberrietarako bisitan etortzen den laguna) eta azkenik ni neu, Jonnylashop, Evan Holwell frikia sartu dut arazoetan.

Hara! Alice desagertu da!. Gu guztion laguna da Alice eta ardura digu desagertzeak. Bere bila hasi gara eta desagerpenaren atzean dauden arrazoi zein errudunak igurikatzen jardun dugu. Eta hori guztia chat bidez. Baina gertakariak amildu dira: hamar minuturo trama akuilatzen duen karta bat atera da. Eta arazoek arazo gehiago dakartzate, eta erabakiak hartu behar dira eta denbora agortzen da eta aukerak hedatzen dira. Ustezko erasotzaileez inguratuta dago Alice. Denek dute arrazoiren bat mina egiteko. Gehienetan haien ezkutuko gauzen berri duelako Alicek.

Baina denbora agortu da eta Alicek ez du bizirik dagoen seinalerik ematen…

IRITZIA

Tira, egun, rol jokoak oso dinamika interesgarriak eskaintzen ari dira eta hauxe probatu beharra zegoen. Pello maizterrak doitu du partida eta uste dut lortu duela arauek dioten bezala jokatzea. Ez da gutxi hori. Ia gehienetan gauzak argiago ikusten dira jolasten hasten zarenean, batez ere talde dinbamiketan eta, kasu honetan uste dut, modu naturalean, joan garela ikusten zein zen jokoaren mekanika eta bilñatzen duen swing-a. Modu mailakatu batean kartek ematen dituzten kontrol-puntuak pasatzen zoaz lasterketa batean nola. Tonu melankoliko batean girotzen da partida eta kolpe baxuak nahiz jelos-jokoak tarteka agertzen dira, izan ere pertsonaiak emozionalki daude modu hertsi batean lotuak.

Gustatu zait esperientzia. Lortzen du murgiltzea. Baina rol-joko guztietan bezala jokolariek sortzen dute murgiltzearen magia rol mekanikak bainoago. Eta alde horretatik joklari apartekin aritzeko aukera izan da. Bestalde idazmena lantzeko eta pertsonaien arteko elkarrizketak sortzeko balio du. Maiz leleberri bat idazten ari zarenean (tira ni ez naiz idazlea) errealismoa irudikatu nahi duzu pertsoaien arteko elkarrizketan, baina hori zaila da idazle bera denean ahots guztien arduradun. Hortaz pertsonaia bakarraz arduratzen zarenean mintza-mekanikan jar dezakezu arreta eta ikusi nola gertatzen den jam saioa. Horretarako iruditu zait ona ere.

[srs_total_pageViews]

Ziega Basatia (in Rolaldia ego)

Bloga Rol jokoak Savage World

2. Rolaldirako astebete falta da eta Savage World partidarako moldatu dut pertsonaiaren txantilloia.

Partidara hurbilduko diren jokalariek propio Gold & Glory jokorako, hots, aztikeria eta fantasiazko giroan kokatutako istorioan izango dituzten pertsonaiaren fitxak dira. Egilea Luis Carlos Suarez Caballero jauna da eta itzultzailea ni neu, Jonnylashop. Egilea Bera Telegram-eko Savage World komunitatean aurki dezakezue.

Besterik gabe deskargatu eta gozatu!

Oharra: Oraindik pare bat leku daude libre. Zoaz Rolariak-eko web gunera, BIZKOR!!!!! Agur edo eraso mezu bat, ahoan aiztoa hortzez atxikirik, besterik ez duzue bidali behar.

Aukera duzu ere Pertsonaiak aldez aurretik prestatzeko. Sar zaitez Telegrameko Txatean!!!

[srs_total_pageViews]

2. Rolaldia

Bloga
Imanol Etxeberria

Urte amaierarekin batera badator bigarrenez ROLALDIA jaialdia. Iaz, partida dexente egon ziren eta aurten ere batzu-batzu eskainiko dira. Rolariak Telegram-eko taldea martxan jarri genuen orain bost urte gutxi gora behera eta apurka apurka, tantaka hazten joan da. Egun 55 kidek osatzen dugu eta ez dugu aukera galtzen zaletasun honetara euskaldun gehiago erakartzeko.

Rolariak taldean sortzaile ugari dago, izan ere irudimenari eragiten zaionean —rola irudimenaren antzertia da— ekarpen ugari egiten da. Dagoeneko bi argitalpen egin dituzte: X. Landabidea (Txerren) eta bere morroiek hondutako Atopia, eta, bestetik, ADUR, Euskal Herria jentil batean murgiltzen gaituena. Azken hau Eneko Azedok Idatzitakoa da. Biak ala biak oso desberdinak beren artean. Lehenengoa euskalBlade Runner-a eta bigarrena aldiz, euskal jendeak, erresuma berrien Europan, berezko lekua eskatzen zuen Erdi Aroan girotua. Alegia naturarekin bat bizi ginelako garaian. Egun hauetan aurki dezakezue Durangoko azokan bere opera prima eskaintzen. Ez beldurrik izan «Rola zer den?», «Nola jolasten da honetara?» Bezalako galderak egin inongo eragozpenik gabe. Ez dirudi euskal ortzi-mugan beste rol libururik aurki agertuko denik baina zaletasuna hedatzen den heinean ez dut inongo zalantzarik gehiago aterako direla.

Bitartean, bada ere gure hizkuntzan gozatu ahal izateko erdaratik ekarritako lan baten itzulpena: Eneko Mazok OSR mugimenduan (Dungeons and Dragons hastapeneko argitalpenen estiloan) kokatzen den Aintzinako Eskola rol-jokoa. Itzulpenak, oro har, sekulako mesedea egin dio hizkuntzen biziraupenari. Areago, Etengabeko diglosian bizi garenontzat egin diezaguketen oparirik politena da. Zenbatetaten ez dugu esan «Jo, zeinen gustura irakurriko nukeen Tronuen dema euskaraz»? Eskerrak Eraztunen Jauna itzuli ziguten, eta Hobbita ere, oso euskara politean gainera! Hortaz ene uste apalenean itzultaileek podiumeko lehen erlaitzean egon beharko lukete gainerako sortzaileekin batera.

Irudimena akuilatzeko badira tresna ugari —nahiz eta hizkuntza bera buruaski den helburu hori lortzeko—, eta horien arten bada bat oso eraginkorra dena: ilustrazioa. Ez gara elizetako iruditeria izugarria ikustean ikaratzen garen nekazari alfabetatu gabeak baina ezin uka daiteke, bestalde, irudi batek ezin duela mila hitzek esaten dutena kolpe batez laburbildu. Eta hori magia da ezin bestean. Hainbesteraino da garrantzitsua non rolgintzak nekez egin dezaken aurrera bera gabe. Hori hala izanik bereziki nabarmena da Imanol Etxeberriaren lana. Bera bilakatu da Rolariak-eko brankako irudi. Bere marrazkiek zulatzen dizute adimena eta irudemenean jaulkitzen zaituzte. Ez da arraroa bere lanetako asko euskal rol liburuen orrien artean ikustea. Eta adibide bezala ekarri nahi dut gogora bere aurreko Rolaldiko kartela, Itzel.

Imanol Etxeberria

Ez da ilustratzaile bakarra ordea; Rolariak-eko sinboloa edo anagrama sortu zuena Eneko Palencia bera da grapas&mapas-eko arduradunetako bat. Esperientzia handikoa ongi jakin zuen folkorismoa txertatzen d20 batean.

E. Palecia

Adiskide bati entzun nion bezala denok ezin gara izan musikari; egon beharko du ere norbatek oholtzatik kanpo plazan! eta horregatik hain zuzen ere egin da bigarrenez rolaldia: euskara gozatzeko, lagunberriak egiteko eta txarrola askean aritzeko . Partida ugari daude esan bezala. Batzuk Eneko Sanchez rolariaren Ebla liburu denda espezializatuan aurrez aurre egingo dira eta beste batzuk bideo dei bitartez. Biak oso modu egokiak dira jarduera honetara hurbiltzeko.

Ez galdu aukera! Damutuko zaizu bestela!

Demo partida

Bloga
EscapeOz-eko lagunak partidan sartuta

Gaur egun berezia izan da inondik ere! EscapeOz enpresako langileek rol partida bat probatzeko aukera izan dute JonnyLashop maizterraren gidaritzapean. Sekula jokatugabeak ziren eta laster murgildu dira partidan. Eta nola gainera.

Galtzadarri horiak oin zolen azpian hantxe egin dute topo lastozko gizona (Jonlupin), garagardozale ertain hordi batek (Asier), ipar haranetatik iritsitako zalduna batek (Isabel) eta, belagile batek eta gizaseme kirten eta basati batek (Mikel). Harriturik gora begiratu dute, hasiaeran, hodeirik gabeko zeru oskarbian puntu bat baino ez zena bilakatu da gero bueltak eta bueltak ematen zituen karratu batean. ai ene! Egin alde batera!!!! Puuum. Pertsonaia sendoenak baino ez du izan azken momentuan alde egiteko aukera. Besteek ordea ez dute horren zorte onik izan: bati baino gehaigori hankak gatigatuta geratu baitzaizkio. Eta hezur hautsiren bat ere tarteko.

Neskatxa gazte batek, apur bat nahasirik eta zorabiatuta, agur esan die. Kansas ezagutzen ote zuten galdetu die baina lastozko txorimaloak besaburuak baino ez ditu altxatu, ezezko keinua eginez. Hitz gutxikoa da gizona zer egingo diogu ba.

Dorothyren etxeak zanpatu ditu ia pertsonaiak lehenengo esezenan.

Botikariak ez ditu besteekin erabili nahi izan bere ukenduak. Haien artean antza ezezagun dira artean. Dorothyk laguntza eskatu die izan ere etxera itzuli behar du; bere osaba izebak arduratuta izango dira honez gero… Kalte handia sufritu dute eta neskatxa lagundu baino lehen ostatu baten demandan aritu dira. Harri-orri-ar egin behar izan dute aurrera egin edo aterpera joateko. azken hau izan da, ozta-ozta hartu den erabakia.

Egurgileen landa batera iritsi dira eta apur bat atzeratuta geratu da ertaina. Txirula baten melodiak galzorian izan du suspertu den arte baina berandu ia izan ere Jentil goseti bat inguratu zaie.

Sekulako kolpea jaso du Ertainak. Garroteak iltzea nola, halaxe sartu du lurrean. Bi bizi puntura baino ez da geratu. Taldekiren bat berarekin oroitu da eta atzera egin dute bizkor. Ertainari aurpegian oin zola erraldoia jartzen ari zitzaionean, justu-justu iritsi dira eta berdindu da borroka.

Astakirtenak zapatillazo eman dio muturrean trolari eta abagunea aprobetxatu du ertainak bizkar gainetik igotzeko. atzak sudurzuletoetan sartu eta sudurra tiratu du olagarri bati buelta menago balio bezala. Gainetik kentzea lortu du trolak bizkarra eta burua astinduz. Gure basakristauak indarrez bota duertaina eta honek bere zilarrezko kopa kopetan bermatuta, giza-suziri legez bete betean eman dio sudur minduan trolari. Hortxe eman du gihar pilo horrek azken hatsa.

Ilunduta Hiru lumako (ikus warhammer) bentara hurreratu dira. Emakume nekatu batek harrera egin die. Eskerrak iparraldeko zaldun limurtzailea konbentzitu duen bestela… Goiz jeikitzea eskatu die ordea.

Bentako arduradunari ostatu eskatzen.

Botikaria saiatu da ateratzen baina ezin. atea eta leihoak magiazko irudi baino ez dira. tranpa batean erori dira. Betaria mendebaldeko sorgina zen… Mu ha ha.

Orain Eskaperoomean aritu beharko dute baldin eta atera nahi badute noski.

BALORAZIOA

Erabilitako sistema Dungeon World izan da. Oinarrizko mugimenduak baino ez ditugu erabili baina horrekin aski izan da jokoaren esperientzia, doinua eta estiloa gozatzeko. Ipunia denok kontatu dugu. Hori da rolaren magia. Hori da laster eskainiko den proeiktuaren muina.

Inoiz aritu ez diren jokalariekin beti da espezial lehenego aldia. Ez haiek, ez nik ez dugu ahaztuko partida eta ezta haiek sortutako pertsonaiak. Imaginatzio paregabea erakutsi dute eta albo-adimena bikaina. Adin desberdinetako jokalariak izan dira: 5, 7, 16, 18, 40+. Ezein momentua izan da hori eragozpena alderantziz denek egin dituzte ekarpenak.