Rol jokoak

13 posts

Azti Zoroaren ziega… edo bizi bizitza handia eta heriotza ere handia!

Bost talento, ausardiaz eta arrotasunez sartu ziren Lurralde Ahaztuen ziegarik erraldoi bezain arriskutsuan. Bostek ordea heriotza aurkitu zuten nahi baino lehen.

Aharrausiaren taberna

Ez modu arranditsuz, alegia numerito egin egin gabe eta turutotsak eskatu gabe tabernariaren agurra eta bedeinkazioa jaso zute bidaia pagatu ondoren. Egia esan emakume batek ordaindu zuen, mezu bat bidaltzearen truk. Huskeria bat irabaziaren aldea noblearentzat. Egun harta erretiratu zen ohera imajinatuz bere anaiak jasotzen zuela ezkutalekuan informazioa eta irri sardonikoa egin zuen.

Sartzerakoan erne eta gogotsu zeuden konfiantzaz beterik; arduraz ematen zituzten urratsak pasabideetan barrena. Jainko zahar zizelkatuen hormetan pasabide ezkutua aurkitu ere. Sustu ederra hartu zuten lohi zikin horren txapapotearekin. Gaitzerdi! Ziegako bidelapur mafiosoak jakinaren gainean zeuden jakina. Etekin handia ateratzen baitiote Ziegaren sarrerari.

Tranpak jakinduria zorrotzez gainditu zituzten bai eta Ali Baba-ren lapurren biltokian erdi txantxa erdi «ez dkit nola surfeatzen ari naiz bortz metroko olatu hau baina tira guazen hodi azpitik iragaztera». taldeko Fanpiroak atalajei adarra jotzera iritsi zen. Airoso irten zen.

Eta hemen etenalditxoa egingo dut izan ere abilizeia handia erakusten ari ziren pertsonaiak. eta ez da gauza gutxi gero izan ere handi geratzen zitzaien auzo batean sartzen ari ziren. Baina aizu borondatean ez zen inolako pitzadurarik. Lockslyko Robin bezala menpean zituzten bi herritar salbatu zituzten eta guzti. Oooo zelako handitasuna neurrigabekoaren erakustaldia: psabidea libre izatea aski ez eta esklabu kotaduak liberatzen hasi. Berandu gabe damutuko zitzaien Alajainkoa.

Esklabu horiek azal-aldatzaile zikoitz eta zeken alaenak ziren. Libre aurkitu zuten hurrengo gelan hain benetako aurpegi errukigabeak eta haien hortz zorrotzezko aho handi eta nazkagarria erakutsi zizkieten abenturazaleei. Taldea banaturik… ezin plater atseginagoa. Ez zen geratu lepo ez izter haien azkazalek nahiz mingain moreek dastatu gabe.

Doppelganger

Balorazioa

Beti kontatzen da garaileen historia. Egundoko zailtasunak bizi izangatik azken unea gainditzen duten heroiak. Baina zer gertatzen da bidean geratzen diren horiekin? asko eta asko ez dira goi mailara iristen. Batzuek gailurrera iritsi ez eta buelta ematen dute azken saiakera egin baino lehen eta beste batzuek azala utzita erebanderatxoa iltzatzen dute gailurrean. Gehienak ordea gogoz saiatu bai baina erdian hil. Agina berauen helburua bizitzan huts egitea zen? da? Nork imajina lezake hurrengo bihurgunean aurkituko zutela heriotza? Nik ez…

kontura arazi zidaten arte 1. mailako abenturazaleak zirela 5 mailako ziega batean!!!

ERREPARTOA:

Beñat in Inana ile ilun eta kizkurreko paladina bezala.

Txabi in Fanpiro “bizigiro” bezala.

Izaro in druida atsegina bezala.

Damijn in Azti gaztea bezala.

Izaro in halflin bizia bezala

Ilunbeetako Esploratzaileak ( eta II)

I. misioa DESAGERTUA

Alladorreko mugetako herrixka batean galdu da Aventine esploratzailearen arrastoa. Hara bidali dituzte abenturazale batzuk gertatutakoaz bertatik bertara jabetzeko. Eneko Azedok bere esploratzailea, arma zizona eta txakur ehiztari bat eraman ditu berarekin. Jonnylashopek Arc-eko Joana bere basakatu kutuna eta erresumako arkulari trebe bat; eta azkenik Paulok Bizargorri buru txikitzaile bat, reklutra bat eta pikaroa.

Bazterrak miatu dituzte bai eta Aventinen gorpua aurkitu ere. Arcekoak bere ezpata magikoa eraman du (magikoa +1), zin egin semeari itzuliko diola. Pikaroak etxeetako sarrailak erraz bihurtu ditu eta arma gizonak ongi zerbitzatu du: herritar bat salbatu du zonbien atzaparretatik.

Badirudi, aurkitu aztarnengatik, baso aldera eraman dituztela oraindik herrestan oraindik bizirik dauden batzuk harrapakin gisa…

Zaurituak izan diren arren, basakatua, rekluta eta txakur ehiztaria suspertu dira eta larriak ziruditen zauriak sendatu dira. Haien esploratzaileekin jarraitzeko prest beraz.

AZTI ZOROAREN ZIEGA (I)

Aurki Rolarien Telegram taldea ZIegalaritza gupidagabea jokatuko dugu. Aspaldian nuenTelegram probatzeko gogoa idatzizko partidak jokatzeko. Eta Watxapak ez bezala baditu hainbat tresna (botak) baliagarri gerta daitezkeenak. Beti bezala gonbidapena luzatzen dizuet parte hartzeko.

Duela mila urte baino gehiago Halaster Kapabeltza urrutiko lurralde batetik bidaiatu zen Ursakonetako mendi magaletaraino, akaso halabeharrak agindutako eskutuko aginduak jarraituz. Batzuek diote ia ahaztutako Aintzindarien Lurrak deituriko inperiotik zetorrela. Antzina gizakia Faerun osoan barreiatu ziren gaur egun Lautada Purpurak direnetatik, jainkoen gatazkatik sorturiko barrutia. Beste batzuek Halasterri, jatorri ez hain urrunak egozten dizkiote; Netheril-go lehen aztien artean kokatuz; edo egiaztatuz hegoialdeko herrialde batetik zetorrela denborak eta basamortuak aspaldi hondar artean desagerrarazia. Edozein dela ere bere jatorria jakintsuek idatzita utzi dute zazpi ikasle ekarri zituela Ursakoneko mendietara.

Zazpiek babesturik, Halasterrek bere botere handia erabili zuen beste plano batzuetako izakiak erakartzeko, zientzuek beste guztiak garaituko zituen Azti dorre bat eraikitzen lagunduko baitzioten. Alabaina urtaroen iraganarekin zazpi ikasleek geroz eta gutxiago ikusi zuten beren maizua. Halasterrek jarraitu zuen piztia hilgarriak erakartzen eta dorrearen azpiko tunelak hedatzen eta bestelako eraikinak egiten. Eta aztiak zazpi ikasleakmantendu zituen bere hitzarmen ilunetatik at.

Azkenean Halasterrek Lurrazpiko Aretoekin egin zuen topo: nanoek egindako mithral meatze baten inguruan eraikitako tunel sistema konplexu bat. Areto Sakoneko arkitektuak, Melairkyn klaneko nanoak, hil eta sakabanatu zituzten aspaldi eta harrezkero drow eta duergar basatiek okupatu dituzte korridoreak eta gelak. Halasterrek gurutzada hasi zuen azken bi hauen kontra, ehiza ugari eginez pasabideetan barrena planoez gaindiko bere alieatuekin batera. Duergar menperaezinek ordea ia mithral guztia agortu arte zundatu zituzten paretak; gero Lurrazpiko pasabideak utzi zituzten drowak Halasterren eta bere kideen kontra borroka zitezen. Azti Zoroak elfo ilun asko inguratu zituen, eta haien arimetako asko harrapatu zituen magia beltzeko errituetan erabiltzeko; gainontzekoak mendean hartu eta fisikoki eta mentalki zigortu zituen. Behin drows guztiak txikitu zituenean, Kalaster Kapabeltzak tunelak zulatzen jarraitu zuen, beti hondoago eta sakonago, mendia arrazoigabe zulatzeko  grina ase nahirik.

Lurrazpiko barruti amaigabea kanpaleku bihurtuz, Halaster beste lurralde eta planoetara bidaiatu zen, Lurrazpiko egotzak izaki arriskutsu bezain arraroez betetzeko. Zerbitzari, esklabu nahiz atezain denak jarri zituen bere esaetara. Ziega betetzea eta kontrolatzearekin obsesionatu zen. Denborarekin  Lurrazpiko neurrigabeko ardura mugara eraman zuen eta misteriozko sorginkeria ilun batekin estali zuen.

Halasterren apopiloak joan-etorrian ziharduten. Batzuek alde egiten zuten ondoren itzultzeko, modu ulergaitzean Lurrazpiak erakarrita. Beste batzuk aztiaren alboan geratu ziren; norbere obsesioetan murgildu zenean ere ilunbeko zoramenak ere bere baitan hartu zituen.

Halaster urte asko kanpoan egon zen bitartean bere dorre itzela eta harresiak hondatu ziren. Denborarekin ere Ursakon bezala ezagutzen den hiria handitzen joan zen mendi magalean eta hedatuz joan zen itsasertzeraino, Kaiaraino alegia. Hiriak bere mugak handitu zituenean, azkenean Halasterren egoitzako hondarrak inguratu zituen.

Lehenengo biztanleek Lurrazpiko tunelen berri zuten eta horregatik maiz bidaltzen zituzten gaizkileak pasabide amaitezinetara. zigor moduan. Horrela izan zen urte askoan, Durnan abenturazale bat dorre azpiko labirintuan sartu eta irten zen arte aberastasun ugarirekin eta istorio ezin beldurgarriagorekin. Durnanek mozkina Dorrea eraisteko erabili zuen eta hondar gainean Ostatu bat eraiki zuen Lurrazpiko sarrera zen Putzuaren gainean. Atari aharrauslaria deitu zion. abenturazale zaharrak ostatua gobernatzen du gaur egun ere eta abenturazaleak zein ergelak zerbitzatzen ditu haien adorea Lurrazpiko tuneletan akuilatuz.

Itzultzailea: jonnylashop.

Alice galdu dugu

Alice Is Missing: An amazing game, played entirely via text message - Vox

Ordulari batek markatzen du atzera kontua eta hasten da jolasa. Txerrenek Dakota Travis pertsonaia gidatu du (institutuko animatzaile bat); Zuhaitzek Julia North (txelo-jolea); Pellok Charlie Barnes (eguberrietarako bisitan etortzen den laguna) eta azkenik ni neu, Jonnylashop, Evan Holwell frikia sartu dut arazoetan.

Hara! Alice desagertu da!. Gu guztion laguna da Alice eta ardura digu desagertzeak. Bere bila hasi gara eta desagerpenaren atzean dauden arrazoi zein errudunak igurikatzen jardun dugu. Eta hori guztia chat bidez. Baina gertakariak amildu dira: hamar minuturo trama akuilatzen duen karta bat atera da. Eta arazoek arazo gehiago dakartzate, eta erabakiak hartu behar dira eta denbora agortzen da eta aukerak hedatzen dira. Ustezko erasotzaileez inguratuta dago Alice. Denek dute arrazoiren bat mina egiteko. Gehienetan haien ezkutuko gauzen berri duelako Alicek.

Baina denbora agortu da eta Alicek ez du bizirik dagoen seinalerik ematen…

IRITZIA

Tira, egun, rol jokoak oso dinamika interesgarriak eskaintzen ari dira eta hauxe probatu beharra zegoen. Pello maizterrak doitu du partida eta uste dut lortu duela arauek dioten bezala jokatzea. Ez da gutxi hori. Ia gehienetan gauzak argiago ikusten dira jolasten hasten zarenean, batez ere talde dinbamiketan eta, kasu honetan uste dut, modu naturalean, joan garela ikusten zein zen jokoaren mekanika eta bilñatzen duen swing-a. Modu mailakatu batean kartek ematen dituzten kontrol-puntuak pasatzen zoaz lasterketa batean nola. Tonu melankoliko batean girotzen da partida eta kolpe baxuak nahiz jelos-jokoak tarteka agertzen dira, izan ere pertsonaiak emozionalki daude modu hertsi batean lotuak.

Gustatu zait esperientzia. Lortzen du murgiltzea. Baina rol-joko guztietan bezala jokolariek sortzen dute murgiltzearen magia rol mekanikak bainoago. Eta alde horretatik joklari apartekin aritzeko aukera izan da. Bestalde idazmena lantzeko eta pertsonaien arteko elkarrizketak sortzeko balio du. Maiz leleberri bat idazten ari zarenean (tira ni ez naiz idazlea) errealismoa irudikatu nahi duzu pertsoaien arteko elkarrizketan, baina hori zaila da idazle bera denean ahots guztien arduradun. Hortaz pertsonaia bakarraz arduratzen zarenean mintza-mekanikan jar dezakezu arreta eta ikusi nola gertatzen den jam saioa. Horretarako iruditu zait ona ere.

3579

Ziega Basatia (in Rolaldia ego)

2. Rolaldirako astebete falta da eta Savage World partidarako moldatu dut pertsonaiaren txantilloia.

Partidara hurbilduko diren jokalariek propio Gold & Glory jokorako, hots, aztikeria eta fantasiazko giroan kokatutako istorioan izango dituzten pertsonaiaren fitxak dira. Egilea Luis Carlos Suarez Caballero jauna da eta itzultzailea ni neu, Jonnylashop. Egilea Bera Telegram-eko Savage World komunitatean aurki dezakezue.

Besterik gabe deskargatu eta gozatu!

Oharra: Oraindik pare bat leku daude libre. Zoaz Rolariak-eko web gunera, BIZKOR!!!!! Agur edo eraso mezu bat, ahoan aiztoa hortzez atxikirik, besterik ez duzue bidali behar.

Aukera duzu ere Pertsonaiak aldez aurretik prestatzeko. Sar zaitez Telegrameko Txatean!!!

3579

ERRALDOIAK LAINOPEAN

Datorren asteburuan gure pertsonaiek aurre egin beharko diote Lovelock herrixka izutzen ari den indarrari. Kobazulo baten ataria zeharkatu dute haragi ketu eta kirats baten usaina sudurzuloetatik gora egiten dielarik. Eskua edo zapia eskuan, estali dute aho-zuloa eta aurrera egin dute pareta izerditzuak haztatuz.

Isiltasuna… ur tanta lodiak urrutiko istil batean erortzen… oihartzun uher bat.

Kasu! egin dezagun etenalditzo bat. Zertan dira trebe gure pertsonaiak?

KALAKARIA

Hoyle karta-joko zaharraren jokaldi arkanoak deszifratzen gai zara. Baduzu trikimailu bat baina horretarako Manituekin esku batzuk jokatu behar ordea.

* Manituekin erronkan aritzeko arauak.

DESABANTAILAK

Ez da dena haitzbelar edooregano ordea iman bata ere bada gaitzerako; huts egite lodia gertatzen bada berak pairatzen du inork baino gehiago halabehararen hondamendia.

Etengabe Karta piloa nahasten duzu izan ere bart gaueko amtes gaiztoak oraindik ikaratuta zauzka [-1 Espiritu tirada guztietan]

ABANTAILAK

  • Jokatu tiradak behin errepikatu ditzakezu, Baita deabruari erronka egiten diozunean ere.
  • Deabruari erronka egitean 1 karta estra jasotzen duzu.

Ezagutzen dituzun botereak: 3

TXUTXERIAK: Gehienez kilo bateko objektu bat atera dezakezu mauka, poltsiko nahiz txano azpitik, zurean edo besteren bateanarenean. Pakete osoa sortzen badu (errebolberra + balak) +1 Botere Puntu gastatu behark du.

EZAUGARRI BAT HOBETU/AHULDU: Maila batean hobetzen du lagun hurkoaren dadoa. Aldiz 1 mailan jeisten da etsaiaren trebetasuna; 2 mailatan gorakadarekin. Etsiaiak Espiritu tirada egin behar du txanda amaieran maila bat igotzeko; gorakadarekin xahutzen du.

JAURTIGAIA: hotz, bero nahiz elektrizitate deskarga jaurti dezakezu (2d6ko kaltea eragiteko edo 3d6 gorakadarekin). 2BP ordainduz gero 3d6 (4d6 gorakaderikin).

*Goikoez aparte pila bat bota daitezek baina horretarako Deabruari deitu beharko zaio.

BEDEINKATUA

Jaungoikoaren nahiak Argia mundura eramateko ahalamena eman dizu Alajainkoa!

DESABANTAILAK:

Pazifista: Liburu Sainduak dio «Ez duzu hilko». Tira baina ez du inon esaten hankak lagun hurkoari birrindu ezin diezaizkiozunik.

Leiala: Zure artaldea ez duzu sekulan alñdean utziko, izan ere babestera zaude deitua.

ABANTAINAK:

Besteak akuilatu: distraitua edo Babesgabe egoera ken diezaizkikezu norbaiti Trikimaila tiradaan arrakasta izanez gero.

Hautatuetako bat zara: +2 Kalte tiradei naturaz gaindiko izakien kontra ko erasoetan

Ezagutzen dituzun botereak: 5

LASAITUA EMAN (1BP): Neke maila bat arindu dezake eta bi gorakadarekin. +1BP bakoitzeko objektibo estra bat har dezakezu (227)

ZIGORRA (2BP): Kargadore nahiz gezi bilduma osoa bedeinkatzen duzu eta +2 kaltea erantsiz eta 4 gorakadarekin. +1BP bakoitzeko objektibo estra bat har dezakezu (231)

OSATZEA (3BP): Arrakastak zauri bat eta gorakadak bi (232)

EZAUGARRI BAT HOBETU/AHULDU: Maila batean hobetzen du lagun hurkoaren dadoa. Aldiz 1 mailan jeisten da etsaiaren trebetasuna; 2 mailatan gorakadarekin. Etsiaiak Espiritu tirada egin behar du txanda amaieran maila bat igotzeko; gorakadarekin xahutzen du.

SINBOLO SAKRATUA (3BP): Edozein izaki maltzurrek Espiritu tirada gainditu beharko du sinboloa duena erasotu nahi badu. -2 penalizazioarekin Bedeinkatua gorkadarekin jaurti badu. Ezin ditu TRikimailuak ekidin. (131DL)

INDIARRA (Bipil)

Suharrez borrokatzen haiz hire leinukoen eta zuen ideiengatik. Ahulak estozismo miresgarriz babesten dituk eta haserrebizian erasotzen diek edo ezin beldurra erakutsi gabe hire etsaien kontra… Ez ziok axola gizakiak diren edo piztiak!

DESABANTAILAK

Ohitura zaharrei atxikia uko egiten diezu arroka fantasmak sortu nahiz kargatzen dituen tresnei. Zure botoari uko egin ezean errepika dezakezu Espiritu tirada bakoitza.

Alboratua gizarte txurian -2 Karisma tiradetan.

ABANTAILAK

  • BIREKIN TREBE: ez duzu esku makurrik. esku ahula aspaldi trebatu zenuen.
  • FRENESI: 1 DADO OSAGARRIA DUZU gorputzez gorputzeko eraso bakoitzean: Borroka dadoa + borroka dadoa (bis) + komodinaren d6a.
  • EZ NAZAZU ZIRIKATU: Zauriengatik pairatzen duzun penalizazioa ernastzen diozu egiten duzun kalteari.
  • HAMAIKA IKUSTEKO JAIOA: Beldur tiradak errepika ditzakezu!

PISTOLERA

Kea darie zure errebolberrei. Dagoeneko hamaika suge zitalek eman dute azken hatsa.

DESABANTAILAK

+1 GEHITU ZURE KALTE tirada orori baina kasu! Kakazten baduzu zure kide batek jasoko du zure erasoa.

Oilategiko oilar harroena izateak zera…

ABANTAILAK

  • Bi eskuetan ongi darabilkizi burniak ez duzu -2ko penalizaziorik.
  • Dueloetan: Karta estra bat.
  • HUMORE BELTZA: Ziria sartu/Probokatu erabil dezakezu Beldur tiradetan. Gorakada batekin broma bat egiten duzu eta aliatuek ere +1rekin egiten dute tirada hori bera.
  • Kid bi Pipa: Bi pistolekin tiro egiteak ez dizu ekintza bikoitza egiteagatik penalizatzen
  • ESKU IRMOAK: Platarforma mugikorretan ez duzu ohiko penalizaziorik.
  • PUNTERIA: +1 zure lehengo Tiroketan edo -2 jeistea testuinguruko ezein penalizazio. Biana ez mugitzen bazara edo bala bat baino gehiago botatzen baduzu.
3579

D&D5 Phandelver-eko Meatzea

Maiz gertatu zaizue ez dakizuela nondik hasi roleatzen? Bada rol-joko ezagunenaren hasiberriendako kutxak proposatzen duen abentura ezin apropoxagoa da horretarako. Pausuz pausu erakusten dizu zer esan behar diezun jokalariei sortzen diren eszena eta konbateetan. Zer tirada eskatu eta noiz eta maiztereatzearekin zerikusia duten aholku dexente ere.

Jokoa errazteko eta eten handirik gerta ez dadin aproposa da jokalariei gida edo esku-pape bat eskaintzea egin ditzaketen ekintza eta ‘konboekin’. Gainera, jokalariek darabiltzaten pertsonaia klaseak kontuan hartzen baditugu pertsonaia bakoitzaren ekintzak eta espezializazioak desberdinbak dira; aldatzen dira konpetentziak. Eta berebiziko laguntza izango da jokalarientzat ohartarazten baditugu eramaten dituzten pertsonaien espezializazioen berri ematen badiegu.

Eta hori da hain zuzen ere gaur eskaini nahi dizuedan laguntza-orria. Badira bi klase aztikeriak jaurtitzen dutenak, eta mailaz igo ahala aztikeria bilduma handia denez nekez dira gogoratzen dakizkiten aztikeria nahiz trikimailuak. Hori hala izanik oso ongi dator orri txatal lez edukitzea berauek eskuetan, haurren kromoak izango bailira.

Tori hartu eta Jokatu!!

Oharra: 1 mailan eskura dituztenak baino ez ditut emango oraingoan. Nire jokalariek pertsonaiak mailaz igo ahala emango ditut gehiago.

NANO KLERIGOA

nano klerigoa 1 maila

AZTIA

Aztia 1 maila

Borrokarako Laguntza Gida [SWADE]

Batzuetan liburutzar mardulek beldurra ematen dute arau bilduma lodi baten sinonimo direlako eta neuronek kortozirkuito bat izan dezakete. Horri gehitzen badiogu rol-eskuliburuaren antolaketa nabarra liseritzeko arazoak izan ditzakegu. Kasu honetan Savitxeko manuala oso ongi antolatuta dago baina arau dexente ditu eta horiek eskura izateko, badakizue begi kolpe batez zalantza argitzeko ongi dator laburpentxo bat.

Rol gune ezagun batetik hartu dut [La Tapadera de Vineyard] eta euskaratu dut. Jorge Carrerok egin zuen lehenengo itzulpena gaztelaniara lehenagoko jatorrizko egiletik nonbait. Cthulhuren Mitoetako liburu arkanoekin gertatu bezala, je, itzulpenaren itzulpena eta sasi itzulpena. Norbaiti baliagarri gerta dakiokeelakoan har beza.

Kalakaria

Jokatzen ari garen partidan bada oso berritsua den pertsonaia bat. Oeste arraro honetako aztiak direla esan daiteke. Alabaina, ikusleak limurtzeko jukutria eta amarruak egiteagatik dira ezagunago. Belagile eta sorgin legez ezagutzen dira eta jendea begiz jotzeko gaitasuna dela medio jendeak ihes egiten die kasu onenean. Beren arteak Jendaurrean ibiltzen dituztenean atxilotzeko agindua dago zenbait lekutan.

HOYLEREN JOKOAK

1740 urtean Edmun Hoyle izeneko tipo bat Europa zaharrean barrena bidaiatu zen ia ahaztuta zegoen magia eta aztikeria bilduz. Oso argi zuen sutara botako zutela ezagutza horiek guztiak eskuetan atzitzen bazuten. Ideia brillante bat izan zuen ezagutza arkano horiek guztiak bildumatzeko. Joko bilduma batean kodifikatuz mozorrotu zituen. Egun Hoyle-ren Joko Bilduma ezagutzen da.

Lortu eta kodifikatu zuen boterearen giltzarria zera zen hainbat espiritu limurtzailerekin kontaktuan jartzea –Joker deitu zituen-. Bere arimaren apur bat jokatzen zuen ispiritu maltzur horiekin apostu eta erronka eginez. Irabazi ezkero izpirituak lagundu behar zuen aztia edozer mandatua betez. Galduz gero ordea Joker espiritu zekenak bere ordaina kobratzewn zion aztiari.

Argitalpen desberdinak egon ziren. 1769koan esaten da “bridge” diagrama guztiak daudela. Esku eta zenbakiz beteriko diagramen Irtakurketa zuzen batek irudimena gainditzen duten botereak eman diezaizkioke erabiltzaileari. Argitalpen berriagoek liburua bortxatu zuten antolaketa berriak eginez eta kodigoek galdu zuten jatorrizko formulazioa.

Hasieran magia apur bat zekitenek nekez lortzen zuten Jokerrekin kontaktuan jartzea. Oso zen urria jokerren kopurua. 1863 ordea, zerbait gertatu zen eta espiritu nahiz Joker zital adana hedatu zen Oestean eta errazago zen haiekin erronkan aritzea.

DEABRUEI EDO MANITUEI ERRONKA EGINEZ

  • ZERGATIK EGIN?

Kalakariari dagozkion truko nahiz aztikeri guztiak egiteko aukera ematen dio, bai eta mailaz gorenekoak badira ere. Bestalde erronka ona bada sobera dauden Potere Puntuak (PP) bere magia-erreserba handitzeko edo bere tirada bermatzeko erabili ditzake.

  • (1)GUTXIENEKO GASTUA:

Beni bat gastatu behar da manitu batekin jolasteko. Ze uste zenuen ba?

  • (2) AUKERATU AZTIKERIA EDO BOTEREA

Azaldu komisarioari zer botere nahi duzun eta kalkulatu zenbat PP beharko dituzu.

Adibidez: «Maizter, hauxe eskatzen diot Manituari: Bala berriak eta zaharrak».

Maila Urreratua (Zure pertsonaia aurreratua denez ez dago maila bat gorago, baina berdin-berdin aukeratu zezakeen baina azken tiradan -2 penalizazioa eginez kasu!)

PP: 4

Iraupena: 5 txanda.

Ornamentua: Dizdiz egiten duen poker karta bat!

Deskribapena: zure pistolaren kanoian runa batzuek hornitzen dute tiroari magia bizia emanez: zilarrezko-agonia: tiroak asmatzen dio piztiari bere ahulgunean eman izan balio bezala. Gorakadarekin beste runa bat ernatsi dakiokezu je.

  • (3) KARTAK BANATU

ATERA BOST KARTA. Apostu tirada egin. ARRAKASTAR 1 karta estra; GORAKADAREKIN 2 karta estra. Hutsegitearekin ez dago karta estrarik. Hanka sartzea… ba amaiaeran deskalabruen zerrendan tirada bat

  • (4) OSATU ZURE ESKUA

*Jokerrek balio-anitza dute, komodinak dira alegia.

Begiratu eskuak zenbat Potere Puntu ematen dizkizun. Ezin duzu zure erreserbakoak erabili! ez badizu ematen nahi duzun aztikeria egiteko -1 Aztikeria Tiradan.

  • (5) JAURTI AZTIKERIA

TIRA!! -2 Zure maila baino goragokoa bada, -1 falta zaizun puntu bakoitzeko. Sobera badituzu erabili tirada hobetzeko.

  • (6) GAUZATU AZTIKERIA

Hanka Sartzea: deskalabruen zerrendan tirada bat.

Hutsegitea: sobera dituzun puntuak gehitu ondoren jakina: ba besterik gabe ez da ezer gertatzen.

Garaipena edo Gorakada: Eutsi goiari eta aztikeriari!